aaj kalam uthayi hai toh mann karta hai kuch likh daalun
in safed pannon ko iss syaahi se rang daalun...
jaane kis rang se rangna chaahta hai yeh kaagaz ka tukda
laal hari kaali ya neeli,
jee karta hai koi ek rang iss kalam mein bhar daalun...
ghoorta raha ghanton bhar in sheeshiyon ko
uljhan hai inmein se kis ek ko chun daalun...
neela ho ya hara ho..ya fir chaahe ho kaala
hain toh saare ek rang hi...
iss kore kagaz ko hi dekho
hai toh yeh bhi ek rang mein sana hua...
aaj jaana safed bhi ek rang hota hai
dil ne kaha, aap sab se ye keh daalun...
aaj kalam uthayi hai toh mann karta hai kuch likh daalun
in safed pannon ko in saare rangon se rang daalun...
No comments:
Post a Comment